News

Ugogo ucela usizo lokwelaphisa umzukulu

Umlobi ngu Mayibongwe Magutshwaย 

Ugogo ogcina umzukulu wakhe ongaphilanga kuhle ucela usizo lwemali ukuze amhambise esibhedlela ayehlowa ukuthi uphethwe ngumkhuhlane bani.

Unkosikazi Media Mpofu owakhele ku ward 7 eSitezi, uhlala lomzukulu wakhe uMthokozisi Ngwenya osebangeni lesine esikolo se Sitezi Secondary School.

UMthokozisi usetshitshe esibhedlela kodwa akukacaci ukuthi uphethwe yisifo bani.

โ€œUMthokozisi uqale ukugula kumnyaka odlulileyo  ngo Mbimbitho (March), elokhe ecikizeka emzimbeni kodwa singaboni ukuthi uhlupho lungaphi, ehamba ekilinika  ephenduka. Kuqale ukumqinela kakhulu  kubo Mfumfu lo Lwezi (October- November), wathwalelwa e Gwanda hospital lapho abafika  bamngenisa emtshineni (scan) kwatholakala ukuthi ulezlonda esiswini  okuyizo obesekubangela ukuthi engasadli,โ€ uchasisile uNkosikazi Mpofu.

โ€œUbesengumuntu ophila ngamanzi.โ€ 

UMaMpofu  uthe isibhedlela se Gwanda sadlulisela uMthokozisi ko Bulawayo e United Bulawayo Hospitals (UBH). 

โ€œE UBH  babefuna ukuthi ayehlolwa into ezinengi kakhulu bacina bethe ahlolwe umkantsho, sathengisa ubabhemi kodwa imali yakhona ayizange yenela, sacina siboleka  imali engange US$345  ukuze ehlolwe.โ€  

โ€œImpumela yomkatsho yiyo eyaveza ukuthi ulokhuhlwane  we Tuberculosis. Waseqalisa  ukwelatshwa kodwa asikaboni mehluko.โ€ 

UmaMpofu uthe lokhe kusafunakala ukuthi ebuyele ayehlolwa (CT scan) okumbangela izilonda, lezinyamana ezikhulayo esiswini. 

Ugogo umaMpofu ubuye  njalo wathi kudingakala ukuthi uMthokozisi afakwe igazi, egcizelela ngokuthi kodwa liyabiza abenelisi. 

Abafisa ukuncedisa uMthokozisi bangaxhumana logogo u maMpofu  ku  0778 377 194  kumbe ku nombolo zikakhulu ku0775 944 494. 

This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.

Related Articles

Leave a Reply

Your email address will not be published. Required fields are marked *

Back to top button