Umlobi ngu Gracious Mbangeni
Izakhamizi zesiStezi eGwanda kuWard 7 zikhala ngokuthi intsha yasesigabeni sabo isisebenzisa izidakamizwa ngezinga eliphezulu, okubenza baziphathe ngendlela engamukelekanga.
Omunye wezakhamizi ezixoxisane lemtatheli ye CITE, uFrancis Sibanda, ukhalaze ngokuthi intsha isilahle inhlonipho ngenxa yokuhlala bedakiwe, njalo abanye sebenyenyela impilo yobugebenga ukuze bathole imali yokuthenga lezo zidakamizwa.
“Abantwana bethu sebelimazekile ngezidakamizwa. Abasahloniphi labazali! Sebelahla lekusasa labo ngendlela abaziphatha ngayo,” uSibanda ulandisile.
On this topic
“Abanye ngasebeqalise ubugebengu, behlukumeza isigaba sonke. Sebebulalana, bahamba bethwele amahloka, inkemba lamabhemba.
“izakhamizi sezithwele nzima esigabeni ngoba abakhethi abancane loba abadala, bacitha igazi angathi ngumuntu equma inkukhu.”
USikhulile Dube, laye engomunye wezakhamizi, uxwayise ukuthi eminye yemizamo engenziwa ukusiza abatsha yikubatholela inhlelo ezingabasiza ikakhulu ngemisebenzi yezandla yokuziphilisa.
“Kuqakathekile ukuthi abatsha bathole inhlelo ezehlukeneyo zokubasiza. Nxa belendlela yokuchitha isikhathi, elokwakha impilo zabo, iyaba phephisa ezongozini abangaba phakathi kwazo nxa bengela lutho lokwenza.”
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.
Leave a Reply