Umlobi ngu Mayibongwe Magutshwa
Izakhamizi zika Ward 7 eSitezi ngaphansi kwenduna uMathema zijabulele uhlelo lukahulumende olwe food for work oseluncedise ukuthuthukisa isigaba sabo.
Ngaphansi kohlelo lolu, izakhamizi zilungisa amadamu, imigwaqo kanye lokuhlanza amagceke ezikolo kanye lesibhedlela.
Izakhamizi zisebenze okwenyanga ezintathu kusukela ngoMabasa baphiwa amasaka omumbu lengqoloyi.
On this topic
Uhlelo lolu lulusizo emphakathini ikakhulu lapho inengi lezakhamizi zibhekane lohlupho lwendlala.
Omunye wezakhamizi uTrust Sithole uthe uhlelo lolu soluncidise ukuqinisa umbundu wedamu labo.
“Siyambonga uhulumende ngohlelo lolu. Lwenze isigaba sathuthuka, idamu lethu selilihle okumangalisayo. Sesilethemba ukuthi izulu loba lingabuya amanzi awasoke achitheke, idamu lethu lizenelisa ukugcina amanzi.”
Unkosikazi Ntombizodwa Dube ubike ukuthi njengezakhamizi baqala bedonda kodwa sebenanzelele ukuthi uhlelo lolu luthuthukisa izigaba.
“Saqalisa singathi asifuni ukuya emsebenzini singakakuzwisisi ukuthi sisebenzelani kodwa uSabhuku wasichasisela ukuthi sisebenzela ukuthuthukisa isigaba sethi. Okwakhathesi sesisebenza sijabulile sibambene njengesigaba.”
UNkosikazi Dube uthe idamu labo iMakwilila dam selilihle ngenxa yohlelo lokusebenza beyizakhamizi.
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.
Leave a Reply