Umlobi ngu Sharon Mathuthu
Abatshayeli bezimota kuward 7 eSitezi, Matabeleland South sebecele ukulungiselwa umgwaqo ngesikhathi sezulu ngoba izimota zibanjwa ludaka.
Babike ukuthi emgwaqweni kuba lamachibi amanzi ikanti amabholoho amancane ayawela.
UBusani Mbangeni uthe umgwaqo abawusebenzisayo u file okubangela ukuthi isimo sibesibi kakhulu ngesikhathi sezulu.
On this topic
“Ngalezinsuku kusina imota ziyatota, siyabanjelwa lokhu kuyabulala imota. Nxa umfula ugcwele amanye amabholoho amancane awachapheki.”
Esinye isakhamuzi uZibusiso Ncube uthe isimo somgwaqo siphazamisa lezakhamizi ezihamba ngenqola.
“ Akuhambeki emgwaqweni, obabhemi bayalimala amasondo. Kunje ma sifuna ukuhambisa umuntu ogulayo esibhedlela kubanzima.”
USobhuku u Benjamin Ndlovu weSitezi uthe kuqakathekile ukuthi izakhamizi ziphatheke ekulungiseni umgwaqo.
“Nxa umgwaqo ulezihlahla, izakhamizi zilakho ukuthi zincedise zicente. Njalo nxa umgwaqo ulamagodi, zilakho ukuncedisa zigqibe umgwaqo ngamatshe ukuze izimota, inqola kanye lemidududu kuhambe kuhle.”
UNdlovu ugcizelele ngokuthi kuqakathekile ukuthi umgwaqo ulungiswe ngesikhathi sezulu ngoba lezifuyo ziyabanjelwa.
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.
Leave a Reply