Umlobi ngu Gugulethu Mbangeni
Inhlanganiso ye Masakhaneni Projects Trust ihambisana leNqameni Youth Reflection Centre (NYRC) etholakala eSitezi ward 7, eGwanda isisungule isikolo sokufundisa intsha imisebenzi yezandla.
Ekuqaleni komnyaka iMasakhaneni inxuse bonke abantu abatsha abafisa ukufunda imisebenzi yezandla. Kukhona asebeqale izifundo zokulungisa inwele.
Intatheli ye Cite ixoxe labanye abatsha abenza izifundo lezi, abachasise ukuthi zibasiza njani.
UShyleen Msebele ongomunye wezifundi othe “Imisebenzi yezandla engiyiyenzayo izangincedisa ngithole imali ngithenge engingelakho. Mangiqeda ukuqeqetsha ezifundweni zami ngifuna ukuthola indawo lapho engizobe ngilukela khona abantu.”
UThobile Sibanda, laye ongumfundi, uthe “Ukuluka kulemali enengi njalo ngizovula I salon yami ngiqhatshe abantu mangingathola imali.”
Omunye njalo uTalent Dube, uthe “Ngifuna ukubakwazi imisebenzi yezandla ukuthi ngenelise ukuncedisa abantwabami. Ukuluka yikho engizaphuma ngikubambile okuzangenza ngithole imali. Ukuluka ngikubona kungcono ngoba kufundeka masinyane.”
Umbalisi walaba abafunda ukuluka uMaZulu uthe uhlelo lolu luzabasiza abatsha ukuthi banakekele imuli zabo.
“Sikhangela kakhulu abatsha bethu labomama. Sikhangela ikakhulu ukutshiya kwabantwana isikol. Sibona kuqakathekile ukuthi bafunde imisebenzi yezandla ukuze bazisize banakekele imuli zabo,” kustho uMaZulu.
“I NYRC yethu ileminyaka engu 4. Intsha iyenza izifundo lezi okwenyanga iziyisithupha. Sikhangela amathuba awabafundi abaqedileyo ukuqeqetsha ezifundweni lezi.”
Ngokunika intsha amandla iNYRC iyasiza ekwakheni isizwe esilempumelelo.
Esigabeni sakithi abatsha bazithaphela uluju lwemfundo njalo baqeqetshiswa ngababalisi abajule elwazini ngemisebenzi yezandla.
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.