Umlobi ngu Mayibongwe Magutshwa
Izakhamizi zeSitezi zilethe ukubonga kunkampani ye Blanket Mine evuselele isikolo se Sitezi Secondary School.
Inkampani le edume ngokwemba igolide iphinde yancedisa isikolo ngama computer.
Phambilini, izindlu zokufundela bezingela mafasitela, izivalo zifile obekusenza abafundi bagodole ngesikhathi somqando.
On this topic
IBlanket Mine iphinde njalo yayakhela isikolo lesi i ndlu yokufundela ezamasayensi (science lab), okuzenza ukuthi abafundi bathole izifundo ezifanayo lezezikolo ezisemadolobheni.
Sikhulume lomzali ohlala kule ndawo, uMedia Mpofu, olomntwana ofunda kulesi sikolo, othe: “Siyajabula Isikolo sethu sesilamacomputer siyalibonga bantu beBlanket lathi abantwabethu sebezafunda izifundo zamacomputer.”
Sixoxisane njalo lomunye wabahlonitshwa esikolo, othe bayajabula ngentuthuko elethwe yinkampani leyi.
“Siyajabula kakhulu ngokuvuselelwa kwesikolo. Amacomputer alethe intuthuko enkulu, njalo abazali sebelokhe beletha abantwana babo ukuzofunda eStezi.”
Umhlonitshwa uthe ukuvuselelwa kwesikolo sokwenze inani labafuni lande.
“Silesifiso sokuthi isikolo sethu sibe yi boarding school ukuze abantwana befunde behlala khona.”
Abazali bathe lelinyathelo likhombisa indlela iBlanket Mine ekhathalela ngayo intuthuko yezemfundo emphakathini wabo.
Leave a Reply