Umlobi ngu Simelokuhle Nyathi
Ibandla leBrethren In Christ Church (BICC) selithathe inyathela lokuvala indonga endaweni yase Nyandeni, eGwanda.
Lolu hlelo luqondiswe ekuvikeleni abantwana lezifuyo ezifana lenkomo ezingawela kulezi ndonga, ezivame ukugejwa ngamanzi ngesikhathi sezulu.
Ezinengi zazo sezisondelene kakhulu lemizi yabantu, okuyingozi enkulu emphakathini.
On this topic
Izifuyo ezinjenge nkomo zilakho ukuwela iqamuke kumbe ize ifele phakathi ngoba isehluleka ukuphuma.
Umnumzana Patrick Ndlovu onguye umgcini sihlalo seNyandeni kuward 4, uthe izakhamizi sezivumelene ukubambisana ngezigaba ezehlukeneyo ukuze balwisane lalezindonga.
“IBICC ithole ukuthi kulodonga olukhulu kakhulu ngemva kwemizi yabantu ku village 5 olungacina luqhela kakhulu lusiya emizini. I BICC icele abantu bama village wonke ukuthi baxhase uvillage 5 ukuthi kuvalwe udonga lolu ngokuphangisa. Njengebandla bazasincedisa ngalokhu abalakho.”
UJuliet Siziba uthe yena kabaqali ukwenza umsebenzi onjenga lowu.
“Bakebawenza eminyakeni edlulileyo besiphiwa imphuphu 50kgs, cooking oil 2by 5 lesugar beans ngemva komsebenzi lapha besikhuthaza njalo izakhamuzi ukuthi zisukumele phezulu senze lokhu ngoba kulenzuzo enhle.”
Ibandla le BICC licele abantu ukuthi badobhe amatshe bewabuthelele ukuyavala lezindonga, kuyabe kulemota ezahamba iwathwala.
Baphide bagcizela ngokuthi bazanceda ngalokhu abalakho sokuqalile umsebenzi.
U Gester Chikuse onguye okhangele ngokudojwa kwamatshe uthe sebeqalile umsebenzi wabo bahamba kathathu ngeviki.
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.
Leave a Reply