Umlobi ngu Mercy Dube
Omama be Sitezi ku Ward 8 eGwanda, sebesungule isivande lapho abalima khona imbida ehlukeneyo abayithengisela umphakathi ukuze bathole imali yokuziphilisa lokondla imuli zabo.
Isivande sise Sitezi Youth Centre njalo sisungulwe ngenganya ka Nhlangula. Ilamalunga ayisikhombisa, alima imibhida efana le rape, chomolia lamatamatisi kunye le onion.
Intatheli yeCITE ikhulume lo Jeniter Ngwenya othe bakhangelele ukuthengisa ezinye izilimo zabo ngenyanga ka Mfumfu.
“Singamalunga ayisikhombisa, omama abahlanu lamajaha amabili. Engadini sitholakala ngoMvulo kusiya kolweSihlanu. Abathengayo basithola sikhona nsuku zonke. Amatamatisi silawo kodwa awakavuthwa, sikhangelele ukuwathengisa ekupheleni kukaMfumfu.” kutsho uNgwenya.
Omunye wabalimi, uThandiwe Nyoni uthe izakhamizi amatistsha laba sesibhedlela babuya bezothenga kubo.
“Lokhe siqale ukulima abantu bayakujabulela kakhulu ukuthi sebezathenga izitshebo eduze, lamatitsha ayabuya azodobhadobha izitshebo. Eklinika labo bayabuya bezothenga labezitolo bayabuya badobhe. Izakhamizi vele sezikwazi ukuthi kulesitshebo eduze,” kutsho uNyoni.
USmangaliso Nyoni omunye wabalimi, uthe nyakenye bake bazama ukuqalisa isivande kodwa basilela ngamanzi izilimo zabo zatsha.
“Esikufundileyo ngomnyaka odlulileyo yikuthi ingadi ifuna amanzi ngaphandle kwamanzi vele ngeke kube lengadi .Ngomnyaka odlule ingadi yethu yaswela amanzi ngoba amanzi ayengasekho KuThuli,” uNyoni utshilo.
“Lonyaka siyathaba ngoba hayi amanzi akhona lanxa nje kusilela lapha lalapha kodwa hayi amanzi akhona .Umlimisi usifundise ukuthi imbheda igejwa njani lokuthi imbhida kumele ivulelane ispace esinganani.”
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.