Umlobi nguLerato Nyoni
Izakhamizi zeZimbili kuWard 19 Emzingwane, bakhathazeke kakhulu ngokuswelakala kwezisebenzi labomongikazi eklinika.
Khathesi kulomongikazi oyedwa okhangelane lezigulane eZimbili.
UVillage Health Worker, uNetsai Makumbirofa uthe kuswelakala omongikazi abanengi okuncedisa abantu.
“Njalo lezindlu zabomongokazi azikho lazo ziyafuneka eklinika. Izindlu zabomama abakhulelweyo abazolindela lazo azikho lokho yikho okubangela ukuthi abantu becine sebebelethela emakhaya,” watsho uMakumbirofa egcizelela ukuthi kuswelakala lamaphilisi egcikwane leHIV.
UCommunity Care Worker, uSisila Nube uthe eklinika yeZimbili kulomongikazi oyedwa njalo uyayandelwa kakhulu ngabantu.
“Iklinika yethu ayiphakamanga ngoba iloMongikazi oyedwa njalo sicela sengezelelwe omongikazi njalo bakhelwe lezindlu zokuhlala.”
UVillage Health Worker, uNonhlanhla Ngwenya uthe umongikazi okhona eklinika udinga uncedo.
“Omongikazi abafaka iJadel lamaLoop labo bayadingakala kanye lamaphilisi awatholakali.”
UCommunity Health Monitor ngaphansi kogatsha lwe Jointed Hands Welfare Organisation, uPatience Namkuswani uthe inhlanganiso yabo iyaphathisa ngezinto eziswelakalayo eZimbili Clinic.
“Kunzima ukuthi sithole loba sihambise ulwazi ekliika ngendaba yenetwork njalo kusenza sibengemva kwesikhathi nxa sisenza amareport.”
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.