Umlobi ngu Charity Mthunzi
Absakhulayo esigabeni seNyandeni ku ward 4, village 6 bacela uncedo lukuthuthukisa iqembu labo lebhola.
Kuleqembu lamankazana elidlala ibhola lokuqaga kube leqembu labafana abadlala inguqu abafisa ukuthi bancediswe ukuthuthukisa iziphiwo zabo.
Intatheli ye CITE ixoxe lo Givemore Moyo omunye wabadlali ocasise kabanzi ngezifiso zabo lokuthi bacela ukuncediswa ngani.
“Thina ibhola siyadlala njalo siyafisa ukuthi iziphiwo zethu ziqhubeke zisiya phambili, sicela ukuncediswa ngamabhola okudlala, lendlela zokuhambisa nxa ibhola lidlalelwa khatshana. Sidinga lokuphathiswa ngokuthi sibe lempahla zokugqoka nxa sidlala ibhola.”
Omunye wabadlali uLubelihle Sibanda uthi ukuqhubeka kweziphiwo zabo kungabasiza kakhulu njalo bayalibaziseka ngokudlala ibhola.
“Nxa singangcediswa ibhola lethu lingaba yinto ebukekayo kumphakathi. Sicela uncedo lokuthi kube lohlelo olungasincedisa ukuze isikhwama sethu sikhule okunjengokufuya inkukhu kumbe ingadi kungasisiza kakhulu.”
