Umlobi wendaba ngu Lubelihle Sibanda
Ukuswelakala kwezibhedlela eziseduze esigabeni se Nyandeni eGwanda kuhlukumeza izakhamizi ezigulayo okumele zihambe umango omude ukuyathola usizo.
Intathelindaba ye CITE ixoxe lo Trolip Nkala, ogulelwa ngukhulu wakhe uPias Mpofu, olemnyaka engu 88 yokuzalwa.
UNkala uthe ukhulu wakhe uMpofu uselesikhathi ephathekile emzimbeni njalo sonke isikhathi nxa sokumele athwalelwe esibhedlela kuba lohlupho ikakhulu uthola imota.
“Mhlaka 17 Nkwenkwezi 2024, ukhulu wa phathela kubi kuphakathi kobusuku. Kwabanzima ukuthola indlela yokumusa esibhedlela ngoba sise Gwanda. Kwathatha ihola eligcweleyo ukuba sizame ukufonela imota yezigulane (i-ambulance), kodwa layo yathatha imizuzu engamatshumi amane lanhlanu ukuze ifike,” walandisa uNkala.
“Imota yezigulane layo ibiza imali ethize ukuze ithwale isigulane. Lokhu kuba yindleko esikhwameni singakabali imali yokuthi ukhulu elatshwe ethole lamaphilisi. Siyafisa ukuthi ngabe njengesigaba singathola isibhedlela eduze lesitolo sokuthenga amaphilisi (i-pharmacy) ukuze kube lula ukuthola usizo.”
