Umlobi ngu Lubelihle Sibanda
Esigabeni seNyandeni kunyanga ka Nkwenkwezi, kube lomncintiswano webhola lokuqaga obangele ukudonselana eqenjini.
Iqembu labomama bakavillage 6 , okuthiwa yiNew castle Netball team bathola umvuzo wemali engange USD40. Leyo mali bavumelana ukuthi ngeke bayidle yonke ukuze nxa besiya dlala eminye imidlalo yebhola bakwazi ukubheja ngayo.
Ngokuya kwamalanga ingxenye yeqembu yafuna ukuyidla leyo mali kodwa abanye bangavumi lokho okwabanga ingxabano enkulu kubadlali.
USibonakele onguye owayengumgcini wesikhwama laye wayengomunye ofuna ukuthi imali idliwe.
Ngaleso isikhathi abanye bakhalala ukuba yingxenye yeqembu ,okwabangela ukuthi abantu bakhulume kubi ngokudlala ibhola.
Intatheli yeCITE ixoxe loCaroline Ncube onguye omkhulu weqembu leli, owalandisa ukuthi ukudonselana lokhu kuletha ukungazwani eqenjini ngakho abangalaleliyo izixhwayiso bazaxotshwa.
“Bonke abathi imali ayidliwe siyabakhipha kuqembu lethu, ngoba sifuna ukuba lohlelo lokuzalisa imali yethu.
Omunye umphathi weqembu ongunompembe ,uMolly Moyo laye wasekela amazwi kaNcube.
“Ngizakhetha abadlali kube yintsha yodwa ukuze sikwazi ukubambisana ,njalo sikhethe umgcini sikhwama omutsha”
