Izakhamizi ze Nyandeni Gwanda ku Village 9 ,ward 4 , zithithibele ngemva kokutshelwa zintango emizini yabo, ngomlilo oqale ngoMvulo ekuseni.
Umlilo lo kubikwa uqale ngemva kokuthi esinye isakhamuzi sichithele umlotha otshisayo ethangweni.
Umlilo oqale ngehola le tshumi lanye ekuseni utshise intango ezemizi engamatshumi amathathu.
Abahlali besigaba bathi bamadolo nzima ngokubehleleyo ngoba umlilo ubungavimbeki bawucitshe ngelanga lokuqala wadeda waphinda wavuka ngelanga lesibili ngoba bekulomoya
Omunye wezakhamizi u Artwell Mloyi uthe bazamile ngazo zonke indlela ukucitsha umlilo kodwa kwehlule.
“Sithithibele siyizakhamizi ngokusehleleyo , sizamile ngazo zonke indlela ukucitsha umlilo kodwa siwunqobe ngelanga lesibili,” kutsho uMloyi .
Esinye njalo sezakhamizi u Soft Ndebele uthe abazi boqalelaphi ukubiya ngoba isikhathi sezulu sesisondele.
“Simadolo nzima asazi lokuthi soqalelaphi ukubiya ngoba isikhathi sokulima sisondele , esikubongayo yimpilo lokuthi sikwazile ukuvikela imikulu yethu .”
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.