Umlobi nguSimelokuhle Nyathi
Izakhamizi zakuWard 4 eNyandeni eGwanda zikhalaza ngokuswelakala kwesibhedlela esiseduze okubangela ukuthi abantu behluleke ukufinyelela ezindaweni zokwelatshelwa ngenxa yomango omude okumele bawuhambe.
Omama abazithweleyo bathi uhlupho lubakhona ikakhulu nxa kumele bayehlolwa kumbe bebeletha, ngoba isibhedlela esiseduze kuseMtshabezi โ okungaba ngamakhilomitha alitshumi (10km). Uma izulu lisina, kuyahlupha ngoba umfula abawuchaphayo ulebholoho elincane eligcwala lula.
UPatrick Ndlovu, ongumhlali wakuWard 4 oleminyaka engamatshumi ayisikhombisa uthe kudingeka kube lesibhedlela eduze ukuze izakhamizi zithole usizo masinyane.
โKuqakathekile ukuthi isibhendlela sibe seduze ngoba abantu abanengi sebephila ngamaphilisi labomama abazithweleyo bacina bakhululeka endleleni belindele izimota ezingabasa esibhedlela masinyane,โ kutsho uNdlovu.
Uthe izakhamizi zilesifiso ukuthi kube lesibhedlela eduze ukuze abantu bancedakale ngokuphangisa .
โIndawo lapho okumele kuyakhelwe khona ikhona ngakho kudingakala impahla zokwakha ukuze kuqale ukusentshenzwa.โ
Unkosazana Nomusa Nyathi, ongomunye wabomama abake bahlangana lobunzima ngesikhathi ezithwele, uthe ukuswela imali yokuhamba kuye kwamenza wagcina ebelethela ekhaya.
โMina ngacina ngibelethela ekhaya , ngakhathazeka kakhulu sokufike ilanga lokuthi ngibelethe ngoba kangisenelisanga ukuyafika esibhedlela.โ
Umnumzana u Mzinyathi uthe ukuswelakala kwesibhedlela esiseduze sekubangele ukufa kwabantu esigabeni.
โSokulokufa okunengi kwabantu kungenxayokuswelaka kwesibhedle Le zimota zokubagijimisela kwabezempilakahle ,
Esinye njalo isakhamuzi uDorcus Moyo uthi okwenza omama bacine bebelethela ezidleni ngumango omude.
โOmama bahamba beze behawule,kunjalo akusibonke abatholayo.Kukekwayenzakala khonokhu kubomama khathesi ezinyangeni ezidlulileyo, silesifiso sokuthi ngabe isibhendlela siyakhiwaโ.
UMoyo uphinde wagcizelela wathi bengajabula nxa bengathola isandla esincendisayo ukuze umphakathi uncedakale ikakhulu ngomango omkhulu Kanye lamaphilisi ayabe setholakala eduze ebantwini asebebadala.
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.
