Umlobi nguBrunate Mudawu
Otsheketsha kubikwa sebevuke ubhova esigabeni saseMalungwane ku Ward 14 eMpisini eMzingwane ngokubamba inkunzi ezitolo zabantu betshiya izakhamazi zithukuthele.
Kucatshangelwa ukuthi otsheketsha laba basukela eHabane, Esigodini ngomnyaka ophelileyo.
Bafika bengabantu abazodinga imali kuphela behlala emagodini abo entabeni.
Kwathi lonyaka ngenyanga kaNkwenkwezi baqala ukuntshintsha.
UNkosikazi British Thebe uthi yena kasela nsimu otsheketsha sebeyigebhe bayiqeda yonke ngoba bemdelela kuthi ungu mfelokazi.
Baqala ukungena emzini yabantu abathengisayo ngoba vele besebejwayele sebesazi kuthi abantu bavula njalo bavale sikhathi bani izitolo zabo.
Kubikwa bahamba bayangena emzini Rachel Moyo (30), ebusuku bebanengi bethwele amahloka, amabhemba lengqamu.
“Bafika ngolaka olukhulu begamula umnyango wesitolo,” watsho uMoyo, esithi yena wesaba ukuphuma phandle kodwa wathatha umakhalekhukhwini wakhe wafonela amapholisa. Amapholisa aze ayabuya kusasa ekuseni bazama ukubadinga kodwa lutho ukubathola.
“Esitolo kwasala kubetha umoya,” watsho uMoyo.
Njalo ngoNkwenkwezi otsheketsha bangena kwesinye isitolo esikamnumzana Austine Musarakufa.
“Bafika ebesuku ngabo11, bafika bebanengi bethwele izikhali zabo. Baqala ukugamula umnyango wesitolo,” watsho uMasarakufa owayephakathi elele khona.
“Ngokukhulu ukwesaba, ngavuka ngabavulela umnyango bangena.”
UMusarakufa uthi wacela ukuthi bengambulali bathathe abakufunayo lakanye babutha impuphu yonke eyayisesitolo lamafutha esitshebo basuka bahamba.
Amapholisa aziswa ngalesisehlakalo, bahlanganisa ontanga abango baba kuthi ayobadudula lapho ababehlala khona.
Kwabanjwa ababili babo abanye babaleka.
uKhansila, uJohn Jimara Sibindi loSabhuku uZeckias Mlalazi bathe wonke umuntu ofika esigabeni kumele ayezethula kubakhokheli besigaba lemapholiseni esigaba bebhalise amabizo amabizo.
