Umlobi ngu Simelokuhle Nyathi
Izakhamizi zeNyandeni kuVillage 4 zikhala ngokwanda kwazikliwi esigabeni ezihlukumeza ikakhulu abesifazane.
Ngenyanga edlulileyo omunye umama wahlaselwa evela enkunini ilanga lisanda kutshona.
Umgcinisihlalo weWard 4, uPatrick Ndlovu, uthe bacela ukuthi amapholisa endawo andiswe ukuze kube lula ukubopha lezizikliwi.
“Abantu abangomama abesenelisi ukuzihambela ezivandeni zabo bebodwa ngoba besesaba ukuthi bazahlaswelwa ngobhinya. Sekungumlandu wethu njengabobaba ukuthi siphekelezele omama sizama ukubavikela kodwa imuli azisatholi ngendlela ukudla ngoba sizama ukuthi izinto zihambe kuhle kungabi khona ophazamisekayo,” kutsho uNdlovu.
Uqhubeke wathi abantu abangaziwayo endaweni kufanele babhalise uma befika.
“Abantu abangaziwayo kumele bebhalwe phansi ukuthi bangobani njalo baze ngani ukuze nxa sekuvele uhlupho bengathwalinzima kumbe bebuye lezincwandi zabo eziveza ukuthi usuka ngaphi ubuye ngani ngoba esigabeni sekugcwele abantu abangaziwayo abayibo abaphinda bejikele umphakathi sebesenza into ezingalunganga”.
Omunye wabomama u Sanelisiwe Mpofu uthe yena akasenelisi ukuya emadlelweni kanye lokuyatheza inkuni ngoba esesaba ukubanjwa ngobhinya.
“Ngingumuntu ozihlalela yedwa akulamuntu ongincedisayo ngakho indaba leyi yabo bhinya isisihlukumeza kakhulu.
UMpofu ukhuthaze kakhulu abantu bengahambi ngamunye ngamunye behambe bengama qembu ikakhulu na besiyakukha endaweni amanzi, enkunini lokuyadinga inkomo ukuzelanxa bengahlaselwa ngubhinya bekwanise ukulwisana laye.
UNomsizi khumalo yena uthe indaba yabo bhinya isingcolise ibizo lesigaba.
“Abantu sebehlala besevalweni lokuthi kungenzeka ukuthi labobhinya bacine bexhwala bengenela abantu emakhaya bebabhinya basuke sebentshontshe lokunye.”
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.