Umlobi ngu Charity Mthunzi
Izakhamuzi zase Nyandeni ku Ward 4, village 6 zicela uhlelo lokusebenzela ukudla ukuze zenelise ukugcina imuli zabo ngalesi sikhathi behlaselwe yisomiso.
Isomiso lesi sesibangele ukuthi izakhamizi zingatholi isivuno emasimini njalo izifuyo zabo ziyafa ngokuswela ukudla lamanzi.
Sixoxe lo Sindile Moyo, omunye we zakhamizi, osilandisele ukuthi yena unakana ukuthi uhlelo lokusebenzela ukudla lungaba khulula endlaleni.
“Mina eminyakeni ngandise ukuqhatsha abantu ukuthi banincedise ukulima besengibabhadala ngemali iloba ngomumbu. Kodwa ke kulonyaka ngenxa yokusweleka kwezulu angitholanga lutho emasimini.
“Lokhu kubangele ukuthi ngilahlekelwe yimali enengi sengibhadala laba ebengiba qatshile. Ngike nganakana ukuthi ngifuye inkukhu mhlawumbe ngingazithengisa ngithole inzuzo yokuthengela abantwana ukudla kodwa inkukhu zami zibuye zatshontshwa zonke imizamo yaphelela emoyeni. Lokhu kungizwise ubuhlungu kakhulu ngoba bengisebenze nzima.”
UMoyo uthe uhlelo lokusebenzela ukudla yilo olungaba khulula endlaleni abakhangelane layo lemuli yakhe kunye lezinye izakhamizi esigabeni.
