Umlobi ngu Gracious Mbangeni
Izakhamizi zeSitezi Ku ward 7 eGwanda zikhangelele isivuno esihle lonyaka ngenxa yezulu elibe linengi, okubanika ithemba lokuthi ngeke behlaselwe yindlala.
Omunye wezakhamizi umnunzana uDube ubike ukuthi inengi lezakhamizi bezingela themba ukuthi bengaba lesivuno esihle emva kokuba izilimo zakuqala zatsha, zabuya zahlaselwa yizibungu.
โ Lonyaka ngizavuna isivuno esinengi ngoba izilimo zami zithelile ngendlela emangalisayo njalo zibukeka zizinhle kakhulu, lami bengingakukhangelelanga njalo sengiqalisile ukudla amakhomane.โ
โNxa ngikhangela esivandeni sami ngibalokuthokoza ngoba sengiphumile endlaleni akade sibhekane layo njalo umangoye ubeselala eziko ngenxa yokuthi bengiswela khona okokuya ngaphansi kwamakhala labantwana bebehamba esikolo bengadlanga luthoโ.
UDube ugcizelele ngokukhuthaza izakhamizi ukuthi bengadeli ukulima bakhuthale loba kungathembisi ukuthi bengaba lesivuno esihle ngoba umumo womkhathi usutshintshile.
Esinye njalo sezakhamizi uWayne Ncube ugcizelele ngokuthi izakhamizi zizaphumula ukuthenga impuphu lonyaka.
UNcube uthe kwesakhe isivande ubekhathazwa yiStalk Borer esone kakhulu izilimo zakhe.
UNcube ukhuthaze abalimi ukuthi bangahlaleli izandla bakhuthale balime ngoba ekucineni kuba lesivuno esihle kakhulu njalo abanye sebezaqala ukuthengisa bathole imali yokuncedisa imuli zabo.
UNdlovu ongomunye wezakhamuzi zeSitezi uthi yena lonyaka ulimile okumangalisa isigaba sakhe uzewaqhatsha abantu bokumcedisa ukuhlakula njalo uthi ukhangelele ukudinga abantu njalo abazamcedisa ukuvuna uthi okunye ukudla ukhangelele ukukuthengisela e Grain Marketing Board (GMB).
UNdlovu uthi yena lonyaka uzaqala ukwenza ibhizimusi lokuthengisa ukudla ngoba eswela ukuba uzakusangaphi njalo uthi ukhangelele ukuba abantu baxhase ibhizimusi lakhe uthi lokhu kuyamjabulisa kakhulu ngoba usezathola imali yokufundisa abantwana.
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.
