Umlobi nguBuhlebenkosi Ndlovu
Izakhamizi zeNyandeni ku Village 9 eGwanda sezithathe inyathelo lokwakha ibholoho ukuze lincedise abantu kanye lezimota ukuthi zichaphe lula isifula.
Ibholoho leli lakhiwe ngo Mbimbitho kuwonalo umnyaka.
Izakhamizi zihamba zisiyasebenza, bethwala amatshe, begqiba isifula njalo isakhamuzi sinye sikhupha amatshumi amabili awamarandi ukuze abasebenzayo bethole ukudla.
Usobhuku wendawo uNicholas Nkomo uthe uthakazelela ukubona utshintsho esigabeni sakhe.
Uthe abantwana aphuma kuvillage 9 kodwa behlala kwamanye amazwe yibo abaqale umbono kanye lokuncedisa ekwakheni ibholoho.
“Ngibonga kakhulu esinye isakhamuzi umnunzana uSibanda okunguye owasikhulumela labantwabethu abasemazweni,” kutsho uNkomo.
Omunye wezakhamizi eziphatheke kakhulu kulumsebenzi, uMbiyabo Dube, uthe sebeqalile umsebenzi wokwakha ibholoho leli.
“Ezinye izakhamizi lazo bezikhupha ezilakho okunjenge mali yokuthenga izamende.”
UDube uqhubeke wathi abantwana abasemazweni bananzelela ukuthi indlela isifile njalo bahamba nzima nxa besiza emakhaya.
“Imota besezitota njalo sekugebheke isifula kungasahambeki. Leyi yiyo njalo indlela esihamba ngayo sisiya esibhedlela, kumbe sigada imota sisiya edolobheni, labantwaba bachapha khona besiya ezikolo.”
Esengeza, esinye isakhamuzi uAngela Ngwenya uthe indlela yayisifile njalo sekunzima ukuphuma loba ukungena endaweni
“ Ngiyathaba kakhulu masithola abasincedisayo,” kutsho uNgwenya.
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.