Umlobi nguBekezela Nyoni
Izakhamizi zeBayethe eMzingwane zikhala ngokuswelakala kwezimota ezithwala uzulu osekudale ukuthi zikhamizi zihambe imango emide ngenyawo.
Izakhamizi zithi ungekela ukugada ekuseni kumbe uvelelwe luhlupho emini izimota sezihambile uyahamba umango omude (7km) ukuze uthole imota nxa ungasayitholanga uyahlala khonapho ulinde lize litshone ilanga.
Sixoxisane lomama, uThandiwe Ndlovu uthe bahamba “beminyene kakhulu njalo lempahla ziyalahleka ngenxa yokugcwala.”
ULillian Dube ugcizelele wathi kulebhasi eyodwa esuka eMalilangwe isizofika eBayethe iyabe isigcwele sokungasahlaleki.
Umama uLucia Ndlovu uthe “ebhasini bahamba begcwele behlalene njengamajodo.”
UMkhokheli Ndlovu uthe yena wagulelwa ngumntwana izimota sezihambile umntwana wacina ebhubhela endleni.
Ukhansila ka Ward 14 eMpisini eMzingwane, uJohn Jimara Sibindi uthe kulemizamo abayenzayo ukuze balungise udaba lwezimota.
“Besexoxisane labakhulu ukuthi njengoba umgwaqo sulungisiwe sokumele kube lamabhasi kaHulumende.”
USibindi uthe abakhulu bakhe bathembise ukuthi kusiyaphela umnyaka ka 2024 kuzakuba lomehluko.
