Umlobi wendaba ngu Thobile Sibanda
Izakhamizi zase Sizeze ku Ward 8 eGwanda zicela ukuphathiswa ngolwazi olweneleyo mayelana ngomkhathi lokuna kwezulu kulo umnyaka ukuze bathole isuvuno esingcono kulesanyakenye.
Izakhamizi zikhala ngokuthi kumnyaka odlulileyo benza amaphutha abangelwa yikungabi lolwazi ngokutshintsha komkhathi.
Zixoxa lentatheli ye CITE, izakhamizi zithe izulu laba linengi, kwatota emasimini bangaze bathola isivuno esiya ngaphi.
UMnumzana uNyoni, omunye wezakhamizi ezathola isivuno eaiyingcosana, uthi wayele nhlanyelo encane ngakho wehluleka ukuhlanyela kutsha ngemva kokutota.
“Kwathi sesihlanyelile izulu laba linengi. Kwasekutota emasimini. Sithe sisathithibele labuya laphinda njalo lahle lakhukhula inhlanyelo yonke eyayisemhlabathini,” watsho uNyoni.
“Kwaba nzima ukuthi siqale kutsha ukulima ngoba sasivele silenhlanyelo engeneliyo. Kwatshabalala nje kanjalo emasimini ethu.”
Omunye njalo ongatholanga isivuno nguMnumzana Tshipuna, othe wathola amabhakede amabili qha awomumbu.
Uthe bacela usizo kubalimisi ukuthi bacetshiswe ukuthi izulu liyana nini kusase lesikhathi.
“Izulu laba linengi kumnyaka lo odlulileyo. Ngenxa yokuthi sasisuka kusomiso, sasingela themba ukuthi sizathola izulu elinengi. Lenhlanyelo esayithola kumlisi yaphuza ukufika.
“Konke lokhu kwasiphambanisa sacina sisenelisa ukuvuna amabhakede amabili kuphela omumbu, lokungamajodo okuncane. Sagayisa nje impuphu encinyane, njalo ukuthi senelisa ukupha abantwana ukudla. Ukuze nje sondle izimuli khathesi sesiya gebha igolide lamanye amadoda egangeni.
“Sikhangelele ukuthi Sithole ulwazi olupheleleyo kubalimisi izulu lingakaqalisi kulo umnyaka ukuze sithole isivuno esingcono.”
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.