Umlobi ngu Medium Mwiinde
Abalimi abahlala ku Ward 4, Village 3 Enyandeni bakhuthawa ukulima izilimo ezihambisana lomqando ngalesi isikhathi somqando ukuze bathole ukudla oweneleyo ezivandeni zabo.
Abanye abalimi balahlekelwe yizilimo zabo ngoba zitshazwe ngumqando.
Omunye wabalimi ubelime imbhida, amatamatisi lembambayila kodwa kube lomqando omkhulu kuviki edlulileyo kwatshazwa konke.
Omunye wabalimi uAnele Phiri oleminyaka engu 38, ukhuthaze abalimi abasesigabeni lesi ukutji basebenzisane kuhle labalimisi ukuze bathole ulwazi olufaneleyo ngezilimo lomkhathi.
“Kumele silime izilimo ezihambisana lomqando ezifana lamacarrots, ihanyanisi, indumba lemihlobo ethize eyembhida. Ngokwenza lokhu silakho ukuthola isivuno esihle. Kumele silandele inhlelo zokulima ukuze sinqobe indlala.”
