Umlobi ngu Celeste Ndlovu
Usabhuku kaward 6, eSibona , esigabeni seStezi, esabelweni se Matabeleland South ukhankasela ukugejwa komgodi ozasiza izakhamizi zithole amanzi.
Ukuswelakala kwamanzi sekubangele ukuthi abafundi bekhuthe izifundo zabo ngoba betshona bedinga amanzi.
Umnyaka ka 2024 ube lezulu elincane ngenxa se somiso esibangelwe yi EL Nino. Lesi somiso sibangele ukoma kwamadamu kanye leminye imthombo yamanzi egoqela izikotsho okuyizo ezisiza abantu emaphandleni.
Usabhuku wesigaba umnunzana uSibanda ucele ukuthi isigaba sakhe sigejelwe umgodi le damu lilungiswe ukuze izakhamizi zisizakale kanye lezifuyo.
“Silesithuli ngokwenzakala esigabeni sethu, asiselamanzi. Besicela kukhansili ukuthi bezosigebhela imigodi yamanzi ukuze izifuyo zethu kanye labantu bethole amanzi.”
Egcizelela amazwi ka Sibanda, omunye we zakhamizi, uMoyo ubike ukuthi ukuswelakala kwamanzi sekuphazamisa intsha, ikakhulu amantombazane ezifundweni zabo.
“Ukuswelakala kwamanzi sekubangela ukufa kwezifuyo lentsha ezifundweni zabo ngoba kwamele umntwana aqale ayekukha amanzi ibanga elide ongalihamba amahola amabili. Umntwana avele ayehluleke ukuphumelela ezifundweni zakhe.”
Uhulumende weZimbabwe ubethembise ukugebha izibhorane phansi kohlelo lwe Presidential Borehole Drilling Scheme.
