Umlobi ngu Faith Siziba
Izakhamizi ze Nyandeni kuvillage 4 sisele sidangele ngemva kokubhubha komntwana oleminyaka emibili okubikwa etshaywe yimota ngeskhathi echapha umgwaqo eMtshabezi.
Isiga lesi senzeke mhlaka 5 Nkwenkwezi.
Ngesikhathi kulotshwa udaba lolu umntwana ubengakangcwatshwa.
Kubikwa ingozi leyi yenzeke ngesikhathi abantwana belandela unina esivandeni. Kwenzakale ukuthi abakhulu obehamba labo bachapha umgwaqo bamtshiya emuva kusiza imota yasimtshaya.
Okwenza elokhe engakancwatshwa yikuthi labo abamtshaya ngemota besadinga izimali ezifunekayo ukuze umntwana angcwatshwe.
Umzali womntwana u Lavinah Ndlovu uthe uzwa ubuhlungu ngokutshiywa ngumntanakhe.
“Kungizwisa ubuhlungu kakhulu ukubhubha komntanami ngoba ufe ngengozi esasemncane. Kodwa labo abamtshaye ngemota angibafaki cala ngokutshaya umntwana ngemota ngoba kusobala ukuthi abenzanga ngabomo.”
Umalume womntwana u Bongani Ndlovu uthe kubuhlungu kakhulu ukufa komzukulu wakhe.
UNdlovu uthe labo abamtshaye ngemota kumele kube yibo aba zathwalwa umngcwabo ukuze babathobe izinhliziyo njalo ukuze babone ukuthi abanzanga ngabomo.
Esinye sezakhamizi uLeonard Dube uxwayise abazali ukuthi benanzelele abantwana nxa bephuma, njalo bebone ukuthi indlela abahamba kuzo azilabungozi.
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.