Umlobi ngu Loise Masuku
Izakhamizi zeZimbili ezihlala ezigabeni A leB kuWard 19 eMzingwane, zibhekane lohlupho lokuswelakala kwamabhasi.
Umnumzana Pilate Sibanda, ukhansila kaWard 19, uthe izakhamizi zicina zihamba ngenyawo ibanga elifika 12km, zisuka eZimbili zisiya edolobheni leGwanda.
“Abantu bahamba ngenyawo, okuyingozi ikakhulu nxa sebekhulile. Lokhu kwaqala ngomnyaka ka2000, njalo kuze kube lamuhla asikatholi imota ezingathwala abantu,” kutsho uKhansila Sibanda.
Omunye wezakhamizi, uNkosikazi Patricia Dewa, uthe abalimi bathwala nzima ukuhambisa isivuno sabo.
“Ukuswela imota kutsho ukuthi asikwazi ukuhambisa umumbu wethu ku Grain Marketing Board (GMB) ukuze sithole inzuzo. Kumele siqhatshe inqola ezibiza kakhulu, noma siwutshiye umumbu ubole,” esitsho uDewa echasisa.
UNkosikazi Dewa uqhubeke kudingeka loba elincane elokuhambisa abantu nsuku zonke edolobheni.
“Singathokoza kakhulu nxa singathola ibhasi elingasithwalela abantu ukuya edolobheni njalo lisibisele. Lokhu kuzakwenza impilo ibe lula kithi sonke”.