Izakhamizi zeNyandeni zikhankasela ukwakhelwa ibholoho

Umlobi ngu Ntandoyenkosi Dube

Izakhamizi ze Nyandeni eGwanda kuward 4 zicela uncedo lokwakhelwa ibholoho ukuze abantwana besikolo benelise ukuchapha umfula nxa besiya esikolo.

Usobhuku wesigaba uJohana Moyo uthe bacela ukuncediswa ngebholoho ukuze abantwana bechaphe kuhle besiya esikolo.

“Esikhathini esinengi umfula ungagcwala abantwana bayahlala bengayi esikolo.”

UMoyo wengenze ngokuthi kuminyaka edluleyo kusalo khansila u Adam Bhebhe isigaba sathenjiswa ibhasi yokuthwala abantwana besikolo ukuze bekhululeke loba besesikolo bengabi becabanga ngokuchapha umfula.

 Ugcizelele ngokuthi kumele kufike umbiko kuhulumende ukuze isigaba sithole uncedo.

Esinye njalo isakhamizi u Bongani Ndlovu uthe, ” Kumele kuqale kulungiswe umgwaqo ukuze ibholoho likhwezwe libephezulu ukuze abantwana besikolo benelise ukuya esikolo.”

USidumiso Moyo, ohlala kuvillage 4 uveze ukuthi nxa izulu lisina abantwana abenelisi ukuya esikolo ngoba umfula uyabe ugcwele kungachapheki.

“Kuke kwaba lesikhathi lapho okune khona izulu elikhulu abantwana besikolo bagcina becela ukulala emizini eseduze lasesikolo lolu luhlupho olucine luhlukumeza abadala.”

Omunye we zakhamizi sika village 6 uLeonard Moyo uthe njengezakhamizi bacela ukuncediswa nge bhasi ukuze abantwana behanjiswe esikolo ikakhulu abasuka khatshana ikakhulu ngesikhathi sezulu.

“Kulabo abasuka khatshana kulengozi zokudlwengulwa lokuthuselwa. Lokhu kugcina kwenza abadala bathwele nzima ngokube bephekelezela abantwana baphinde bebalande okubangela becine bengenelisi ukwenza imisebenzi yabo.”

This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.