Umlobi ngu Aliah Sibanda.
Izakhamizi zaku ward 7, eSitezi ezisebenza ukwemba igolide emgodini we Kamela sezikhalaze ngezigebenga sezikhalaze ngezigebenga ezibahlasela zibathathele inzuzo yabo.
Omunye wabasebenzi , uNare uthe ukusebenza emgodini kuyabaphilisa kodwa sebebhekane lohlupho lokuhlaselwa yizigebenga.
“Bayasithathela khonalokhu okuncane esiyabe sikusebenzile. Amapholisa ahamba ngamabhiza alakho ukufika bebona ukuthi siphephile kodwa izigebenga ziyachathamela lapho amapholisa engekho besihlasele.”
On this topic
UNare uthe bacela abomthetho bebasize ukuze bahlale bephephile.
Esinye njalo isakhumuzi uSibanda yena osebenza ukuthengisa isitshwala eKamela uthe yena lumsebenzi uyamphilisa kanye lemuli yakhe kodwa sebelohlupho lwezigebenga ezibathathela imali.
“Kwesinye isikhathi uyathi usithengisile ususithi uyatshayisa izigebenga zikuhlasele zithathe yonke imali. Uhlupho yikuthi bahamba lamabhemba , kuba nzima ukuthi sibalwise, ngakho besicela abomthetho ukuthi basincedise ukuthi sivikeleke.”
UNcube ongomunye laye wezakhamizi ezisebenzela eKamela ugcizelele ngokuthi yena uleminyaka emihlanu esebenza eKamela kodwa lonyaka isimo sobudlwangudlwangu sibhahile lapho izakhamizi ezisebenza emgodini zihlaselwa.
This story was produced as part of the CITE Youth Network training program, which aims to empower young women in rural communities with digital skills, enhancing their ability to create and share community news.
Leave a Reply