Umlobi ngu Sangiwe Khumalo
Abafundi abadlula amatshumi ayisithupha (60) eSitezi sebeqeqetshe ezifundweni zemisebenzi yezandla.
Izifundo lezi zasungulwa yinhlanganiso yeMasakhaneni ibambisane le Ukuthula Trust.
Abafundi bafunde ukuthunga, amacomputers, ukwakha ukweluka inwele lezinye ezehlukeneyo.
On this topic
Uhlelo lolu lwaqala ngomnyaka Ka 2019 lapho okwaqalwa kufundwa amacomputers lokuthunga phambi kokuthi izifundo zengenzelelwe.
Uhlelo lolu beluxhaswe ngabakhokheli bomdabu ababalela izinduna uMathema, uMathe,uMasuku,Kanye loHwadalala.
Omunye wabafundi owesifizane obefundela ukwakha ubike ukuthi izifundo zokwakha zizasiza abafundi ngokuthuthukisa imizi yangakibo.
“Safunda ngokufaka isamende phansi, ukuplaster lokunye okutshiyeneyo, ulwazi lolu luzasisiza ngoba sizaqala ukukwakha sizuze imali.”
Umqeqetshi ubike ukuthi usezaqala ukwakha umuzi wakhe kanye lokufundisa abanye ukwakha.
Omunye wabafundi oqeqetshe ezifundweni zokuthunga u Similo Sithole ubike ukuthi ikhono alithole phansi kohlelo lolu lumsize kakhulu ngoba esesenelisa ukuthungela umphakathi izigqoko.
“Uhlelo lolu lungisize kakhulu, sengizenelisa ukuthungela abantu impahla zokugqoka. Ngiyabe sengenelisa lokuthunga ezami izigqoko.”
USithole ubike ukuthi engakafundeli izifundo lezi ubengelalwazi mayelana lokuthunga.
Esengenza, omunye wabafundi obefundela ezama computers, uBuhle Twala ubike ukuthi selolwazi lokusebenzisa icomputer.
“ Ngolwazi esengilalo sengingenelisa ukuyadinga umsebenzi ezindaweni ezifana lalapho esithatha khona incwadi zokuzalwa.”
Ekhuluma emcimbini wokuqeqetshwa kwabafundi, Induna uMathema ukhuthaze abafundi ukuqakatheka kwemsebenzi yezandla.
“Lingabi ngumthwalo ebantwini, lisebenze ngezandla zenu, lingafundi likutshiye khonapha.”
Leave a Reply